"Тілім-тірегім, соғып тұрған жүрегім" тақырыбындағы тілдер апталығының салтанатты түрде ашылуы

  5 қыркүйек күні мектебімізде Тілдер апталығы  "Тілім-тірегім, соғып тұрған жүрегім" тақырыбымен салтанатты түрде ашылды. Декаданың ашылуында қазақ халқының  тарихында болмысы бөлек, мінезінің байлығымен, терең білім, ақыл-парасатымен дараланған ұлы адамдардың, кемеңгер тұлғалардың туындыларын оқушылар жатқа оқыды. Бір басында сан салалы өнер тоғысқан тілегей теңіз энциклопедиялық білім иесі қазақтың ақыны, әдебиет зерттеуші ғалым, түркітанушы, публицист, педагог, аудармашы, қоғам қайраткері, ұлт-азаттық қозғалысы жетекшілерінің бірі, мемлекет қайраткері, қазақ тілі білімінің негізін қалаушы, ұлттық жазудың реформаторы, ағартушы, ғалым Ахмет Байтұрсынұлының туған күні туралы  атап айтылды.